Átralskir kvikmyndaeftirlitsmenn óttast greinilega fjölkynngi ungra aðdáenda Harrys Potters og hafa ákveðið að falla frá þeirri kröfu að 15 ára aldurstakmark verði sett á myndina Harry Potter og fanginn í Azkaban. Þess í stað verður börnum heimilt að sjá myndina í fylgd foreldra sinna.
Uppnám varð í Ástralíu þegar fréttist að kvikmyndaeftirlit landsins ætlaði banna myndina fyrir 15 ára og yngri á þeirri forsendu að í henni sæjust árásir varúlfa og fleiri atriði sem gerðu hana að eins konar hryllingsmynd.
Dreifingarfyrirtækið Village Roadshow áfrýjaði ákvörðun kvikmyndaeftirlitsins til sérstakrar áfrýjunarnefndar sem komst að þeirri niðurstöðu að ekki væri ástæða til að banna börnum að sjá myndina frekar en fyrri myndirnar tvær um galdrastrákinn.
Kvikmyndin verður frumsýnd í Ástralíu í vikunni. Myndin hefur fengið metaðsókn víða um heim, þar á meðal hér á landi.