Breski leikarinn Daniel Craig, sem er frá Liverpool, er sagður hafa tekið boði um að leika njósnara hennar hátignar númer 007, James Bond, í þrem myndum, að því er Ananova.com greinir frá og hefur eftir breska blaðinu The Sun. Craig er 37 ára.
Segir Sun ennfremur að Clive Owen, sem talinn var koma til greina í hlutverkið, hafi ekki viljað það, af ótta við að það hefti leikferil sinn.
Framleiðandi myndanna, Barbara Broccoli, bauð Craig samning upp á þrjár myndir sem væntanlega verða gerðar á næstu tíu árum.