Samningur um sameiginlegt efnahagssvæði Íslands og Færeyja

Davíð Oddsson, utanríkisráðherra, og Jóhannes Eidesgaard, lögmaður Færeyja, undirrituðu í dag í Hovyík í Færeyjum samning um að koma á fót sameiginlegu efnahagssvæði Íslands og Færeyja.

´ Samningurinn mælir fyrir um frelsi á sviði vöruviðskipta, þjónustuviðskipta og fjárfestinga, að því er segir í fréttatilkynningu.

„Tekur samningurinn m.a. til viðskipta með landbúnaðarafurðir. Samkvæmt samningnum skulu íslenskir ríkisborgarar og íslensk fyrirtæki njóta sömu réttinda í Færeyjum og Færeyingar og færeysk fyrirtæki. Jafnframt skulu Færeyingar og færeysk fyrirtæki njóta sömu réttinda hér og landi og íslenskir ríkisborgara og íslensk fyrirtæki. Samningurinn kemur í stað fríverslunarsamnings Íslands og Færeyja frá árinu 1992.“

• Blogga um frétt