Spænsk yfirvöld munu hefja rannsókn á þeim fullyrðingum að flugvélar bandarísku leyniþjónustunnar (CIA) hafi millilent á laun á Spáni með meinta hryðjuverkamenn í haldi innanborðs. Innanríkisráðherra Spánar, Jose Antonio Alonso, gerði grein fyrir þessu í spænsku sjónvarp í dag.
Hann sagði að ef fullyrðingarnar reyndust vera sannar þá yrði það til þess að samskipti Bandaríkjanna og Spánar myndu skaðast.
Samkvæmt spænskum fjölmiðlum notuðu CIA Palma flugvöllinn á Mallorca undir fangaflugið.
„Ef þetta reynist vera satt þá erum við að horfa á mjög alvarleg mál,“ sagði Alonso í spænsku sjónvarpsstöðina Telecino.
Meintu fangaflugin eru 10 talsins. Þau voru dregin í dagsljósið í skýrslu sem barst saksóknaranum á Balera eyjum í júní, að því er fram kemur í spænska dagblaðinu El Pais.
Fyrsta vélin átti að hafa lent á Mallorca 22 janúar árið 2004. Flugferðirnar stóðu til 17 janúar í ár.
Þingmenn Evrópuþingsins hafa hvatt framkvæmdastjórn Evrópuráðsins að rannsaka þær ásaknir að CIA hafi notað fangelsi í Austur-Evrópu til þess að yfirheyra fanga sem voru grunaðir um hryðjuverk.
Varnamálaráðherra Spánar, Jose Bono, er varkár í orðum þegar hann var inntur um viðbrögð. Hann segir engin sönnunargögn liggja fyrir.
Bono neitaði því að spænska leyniþjónustan hefði beðið CIA um að hætta nota flugvöllinn á Palma.
Meðal áfangastaða fangafluganna frá Mallorca voru Líbía, Alsír, Rúmenía, Makedónía og Svíþjóð að því er fram kemur í spænskum fjölmiðlum.
Fréttavefur BBC greinir frá þessu.