Níræð kona, ættuð úr Ísafjarðardjúpi, styrkti nýlega Barnaspítala Hringsins af rausnarskap. Brynfríður Halldórsdóttir, sem varð níræð fyrir nokkru síðan, ákvað í tilefni afmælisins að styrkja Barnaspítala Hringsins. Brynfríður kom á Barnaspítala Hringsins ásamt Sæbirni Guðfinnssyni og afhenti spítalanum styrk að upphæð ein milljón króna.
Brynfríður fæddist og ólst upp á Bæum á Snæfjallaströnd við Ísafjarðardjúp. Brynfríður fluttist síðan til Reykjavíkur þar sem hún hefur verið til heimilis síðan. Barnaspítali Hringsins þakkar Brynfríði af heilum hug stuðning hennar, að því er segir í frétt frá Barnaspítala Hringsins.