Stinningarlyf seljast grimmt í Danmörku

Þrátt fyrir að hægist á sölu stinningarlyfja á heimsvísu þá eykst salan mikið í Danmörku. Stinningarlyfin Viagra, Cialis og Levitra seljast þar grimmt, aukning í sölu er þar meiri en 8-9% aukningin á heimsvísu.

Á fyrsta ársfjórðungi 2006 varð 24% aukning í sölu á þessum þremur lyfjum frá fyrra ári og á öðrum ársfjórðungi jókst sala um 17,5%. Útskýringin er líklega sú að karlmenn eru orðnir sér meðvitaðri um ristruflanir og vita að þær er hægt að meðhöndla. Dagblaðið Berlingske tidende segir frá þessu.

• Blogga um frétt