Beyoncé Knowles gæti hafa smitast af lifrarbólgu A
Setja bókamerki
Söng- og leikkonan Beyoncé Knowles gæti hafa smitast af lifrarbólgu A í teiti íþróttatímaritsins Sports Illustrated þann 14. febrúar síðastliðinn. Heilbrigðisstofnun Los Angeles-sýslu hafði samband við veislugesti í gær og lét þá vita að einn starfsmanna veisluþjónustunnar Wolfgang Puck Catering, sem sá um veisluföng, hafi greinst með sjúkdóminn.
Samkvæmt vefsíðu landlæknisembættisins er lifrarbólga A „sjúkdómur sem orsakast af veiru og getur skemmt eða truflað starfsemi lifrarinnar þannig að efni úr blóði skiljist síður út með galli, en þessi efni geta síðan valdið gulu.“
Veislugestum hefur verið ráðlagt að fara í bólusetningu, þ.e. þeim sem borðuðu hráan mat. Þetta á þó ekki aðeins við um gesti í fyrrnefndri veislu heldur alla þá sem sóttu 13 veislur og viðburði sem veisluþjónustan sinnti frá 1.-20. febrúar.
Carl Schuster, forstjóri Wolfgang Puck Catering, segir smithættu litla. Talsmaður Beyoncé segir málið „til athugunar.“ Flestir ná sér af lifrarbólgu A á innan við tveimur mánuðum. Aðalsmitleiðin er með saur-munn smiti, ýmist beint eða óbeint, samkvæmt upplýsingum frá landlækni. BangShowbiz fréttaveitan sagði frá þessu.
Frekari upplýsingar um lifrarbólgu A
Tveir í bílnum sem lenti utan vegar
Kostnaður meiri en milljón á fermetra
Gígbarmurinn hækkað frá því í gær
Handteknir eftir myndatöku í Vesturbæjarlaug
Eyjafjarðarbraut lokað vegna alvarlegs umferðarslyss
Skar höfuðleðrið af íslenskri konu
Árshátíð ríkislögreglustjóra haldin í Tékklandi