DNA-rannsókn hefur staðfest að 99,9% líkur eru á að Lúðvík Gizurarson, lögmaður, sé sonur Hermanns Jónassonar, fyrrverandi forsætisráðherra. Faðernismáli Lúðvíks, sem gerir þá kröfu að Hermann verði dæmdur faðir sinn, var frestað í dag til að lögmenn gætu gert aðilum grein fyrir niðurstöðum rannsóknarinnar, en verður fram haldið á mánudaginn.
DNA-rannsókn hefur þegar leitt í ljós að Gizur Bersteinsson var ekki faðir Lúðvíks, og hafði Lúðvík lengi reynt að fá viðurkenningu á þeirri rangfeðrun og að hann sé barn Hermanns.
Afkomendur Hermanns voru ósáttir við að DNA-rannsókn yrði gerð, en Hæstiréttur dæmdi að hún skyldi fara fram og að borin yrðu saman líffsýni úr Lúðvík við lífssýni úr Dagmar Lúðvíksdóttur, móður Lúðvíks, og Hermanni.