Fischer jarðsettur í kyrrþey
Gröf Bobbys Fischers í Laugardælakirkjugarði.
mbl.is/Guðmundur Karl
Setja bókamerki
Útför skákmeistarans Bobby Fischers fór fram í morgun í kyrrþey samkvæmt ósk hans. Garðar Sverrisson, vinur Fischers, staðfesti þetta í dag en hann var viðstaddur útförina. Samkvæmt heimildum Morgunblaðsins fór útförin fram í Laugardælakirkjugarði í Flóahreppi skammt frá Selfossi.
Miyoko Watai, unnusta Fischers, var viðstödd útförina en hún kom til landsins seint í gærkvöldi frá Japan. Séra Jakob Roland, prestur kaþólskra í Reykjavík, jarðsöng.
Einar S. Einarsson, sem hefur farið fyrir stuðningsmannahópi Fischers, var ekki viðstaddur útförina. Hann staðfesti hins vegar að auk Watai hefðu mágur Fischers komið til landsins frá Bandaríkjunum í dag.
Mikilvægt að vera á tánum
Unnu að fullum heillindum að kaupum á TM
Aðkoman í gripahúsið mjög slæm
Sárt að horfa upp á illa meðferð fjármuna
Myndskeið: Segjast hafa skotið niður sprengjuflugvél
29 nautgripir fundust dauðir
„Búið að vera í dreifingu í einhvern tíma“