Senda inn efni
mbl.is/RAX
Mikið að gera hjá björgunarsveitum á Vestfjörðum í nótt
Bloggað um fréttina
-
Guðmundur BogasonHeheheheheh
-
Runólfur Jónatan HaukssonSvo er nú það......
Í nógu var að snúast hjá björgunarsveitum á Vestfjörðum í nótt að sögn lögreglunnar á Ísafirði. Ófært var um Steingrímsfjarðarheiði og var hún lokuð í nótt en þrátt fyrir lokunina fóru nokkrir á heiðina og lentu í vandræðum vegna blindrar færðar og þurftu á aðstoð að halda.
Að sögn lögreglu festust margir sem voru á leið vestur í Hólmavík og var öll gistiaðstaða í bænum uppurin, og opnað var félagsheimili til þess að veita fólki gistingu.
Þá barst lögreglu tilkynning klukkan hálf eitt í nótt um þýskt par sem festist á Ennishálsi, heiðinni milli Hólmavíkur og Brúar. Að sögn lögreglu voru þau á illa búnum bílaleigubíl en fengu aðstoð björgunarsveitar við að komast niður af heiðinni.
Björgunarsveitin Lómfell á Barðaströnd var ræst út í nótt við að aðstoða flutningabíla á Klettshálsi, sem lentu þar í blindu og skafrenningi. Þá barst lögreglu tilkynning um klukkan 2:30 í nótt að óttast væri um fjórar bifreiðar sem væru á leið frá Flókalundi til Ísafjarðar. Ekki hafði heyrst frá ökumönnum þeirra í langan tíma og var björgunarsveitin Dýri frá Þingeyri ræst út. Þeir fundu bílana um klukkustund síðar við Hrafnseyri en þeir voru þá komnir niður af Dynjandaheiði. Höfðu þeir lent í vandræðum á heiðinni þar sem færð var blind og mikill skafrenningur.
Til baka