Jeppinn að leikslokum. Mbl.is/Jóhann A. Kristjánsson

Líkamsárásir og eftirför meðal verkefna lögreglunnar

Senda frétt

Prenta frétt

Upplestur á frétt

Deila

Deila fréttinni á...

Facebook

Delicious

Hætta við

Twitter

Digg

StumbleUpon

Blogga um frétt

Bloggað um fréttina

11 blogg um fréttina »

• Rúna Vala
  Já, fréttamenn halda uppi fordómum í landinu
• Jón Aðalsteinn Jónsson
  Á að birta þjóðerni.
• brahim
  Eftirför og Hasar jibbý.
• Bergur Thorberg
  Er stutt í borgarastyrjöld?
• I I
  Var ekki nóg að ná bara bílnúmerinu?
• Jóhannes Ragnarsson
  Ruddalegt ríkisvald sýnir blóðugar tönnurnar
• Markús frá Djúpalæk
  Merkilegt réttarfar.
• Ómar Ingi Friðleifsson
  Cops
• Birna Dis Vilbertsdóttir
  Við urðum vitni af eltingarleiknum
• Tryggvi Marteinsson
  6.júlí 2008 -Finn til með lögreglu
• Svava Björg Mörk
  Lögregla

Gríðarmikill erill var hjá lögreglunni á höfuðborgarsvæðinu í gærkvöldi og nótt.  Um 200 mál eru bókuð hjá lögreglunni sem er yfir meðallagi. Meðal annars um hnífstungu og fimm líkamsárásarmál. Ölvunarakstur og eftirför.

Um tíuleytið  í gærkvöldi var tilkynnt um aðfinnsluvert aksturslag á Toyotu Landcrusier jeppa á Suðurlandsvegi. Er lögreglan gaf bifreiðinni stöðvunarmerki við Rauðavatn sinnti ökumaður því engu og jók hraðan, ók suður Breiðholtsbraut, fram úr bílum öfugu megin og inn í Árbæinn. Þar var ekið á ofsahraða eða allt að 100 km / klst þar sem hámarkshraði er 30km klst  ökumenn og gangandi vegfarendur áttu fótum sínum fjör að launa að forða sér frá. 

 Ekið fram úr öfugu megin

Áfram var haldið  á mikilli ferð Rofabæ og inn á Bæjarháls þaðan á Höfðabakka og austur Vesturlandsveg að Grafarholti.  Ekið inn í Grafarholtið og engu skipti þótt lögreglumenn settu upp lokanir og þrengingar, bifreiðinni var miskunnarlaust ekið yfir kanta, yfir hringtorg, móti rauðu ljósi, upp á gangstéttir og öfugt á móti akstursstefnu, samkvæmt upplýsingum frá lögreglu.

Lögreglubifreið ekið utan í bifreiðina

Eftirförin barst aftur inn á Vesturlandsveg, í átt að Mosfellsbæ en í hringtorgi við Skarhólabraut tókst lögreglu loks að hefta för bifreiðarinnar með því að aka utan í hana. Við það valt bifreiðin og hafnaði utan vegar. 

Ökumann sakaði ekki og var hann handtekinn og gistir nú fangageymslur lögreglu en hann var í annarlegu ástandi.  Bifreiðin, sem maðurinn ók, var stolið fyrr um daginn.  Ökumaður bíður yfirheyrslu er af honum rennur víman.

Reyndi að stinga af á hlaupum

Þá sinnti annar ökumaður ekki stöðvunarmerkjum lögreglu í Hafnarfirði og ók gegn rauðu ljósi í tilraun sinni til að sleppa frá lögreglunni. Í Víðibergi stöðvaði hann loks og reyndi að komast burtu á hlaupum.  Lögreglumenn, fráir á fæti, hlupu ökumanninn léttilega uppi og var hann fluttur á lögreglustöð og sviptur ökuréttindum, samkvæmt upplýsingum frá lögreglu.

Alls voru 6 teknir grunaðir um ölvun við akstur. Fimm árekstrar voru tilkynntir til lögreglu þar af var einn grunaður um ölvun við akstur en hann ók á hús að Öldugötu 44 í Hafnarfirði.

Fjöldaslagsmál við Keiluhöllina

5 líkamsárásarmál voru tilkynnt til lögreglu í gærkvöldi og nótt. Meðal annars fjöldaslagsmál við Keiluhöllina þar sem átta Litháar slógust. Sjö þeirra  voru handteknir og færðir í fangageymslu en sá áttundi var fluttur á slysadeild með höfuðáverka og brotnar tennur.

Árás sem endaði með hnífstungu

Lögregla var send í íbúðarhúsnæði í iðnaðarhverfi í Hafnarfirði í nótt þar sem tilkynnt var um hnífstungu. Svo virðist sem fimm útlendir karlmenn  hafi ráðist inn á Íslending sem býr í einu af leiguherbergjum í húsnæðinu, samkvæmt upplýsingum frá lögreglu.  Hann varðist árásinni með hnífum og særði einn. Sá var fluttur á slysadeild með áverka á brjósti.  Hnífamaðurinn íslenski var handtekinn og gistir fangageymslur.

Samkvæmt upplýsingum frá lögreglu virðist sumarnóttin eitthvað hafa farið illa í íbúa á höfuðborgarsvæðinu því mikið var um að kvartað væri undan hávaða og ólátum. Nokkur fjöldi var samankominn í miðborginni og talsvert um ölvun.

Til baka