Senda inn efni
Mál Paul Ramses er nú komið á borð Björns Bjarnasonar dómsmálaráðherra með formlegum hætti. mbl.is/Kristinn
Kæru skilað til dómsmálaráðherra
Bloggað um fréttina
-
FrikkinnFarísear í mótmælastöðu
-
Anna Pála SverrisdóttirÉg hef fulla trú á Birni Bjarnasyni
Katrín Theodórsdóttir, lögmaður Paul Ramses, Keníamannsins sem Útlendingastofnun vísaði úr landi í síðustu viku, lagði fram kæru til dómsmálaráðuneytisins vegna brottvísunarinnar nú á fjórða tímanum. Hún vonar að ráðherra muni láta málið sæta forgangi, enda þoli það enga bið.
„Nú er þetta í fyrsta skipti komið á borð dómsmálaráðherra. Þannig að hann hefur tækifæri til að fjalla um þetta, og þá vonum við að það taki sem stystan tíma,“ segir Katrín.
Paul Ramses
Katrín segir að Paul Ramses vera í biðstöðu í Róm þar sem hann dvelur á gistiheimili fyrir hælisleitendur. „Hann er óttasleginn og passlega bjartsýnn,“ segir Katrín.
Katrín segist vilja sjá að kæran verði tekin til meðferðar þegar í stað. Hún gerir þá kröfu að ákvörðunin verði ógild vegna form- og efnisannmarka sem á henni séu.
Ef ekki verður orðið við þeirri kröfu er farið fram á að Björn Bjarnason dómsmálaráðherra breyti ákvörðun Útlendingastofnunar og mæli fyrir að umsókn Ramses verði tekin fyrir á Íslandi. Auk þess að honum verði veitt hér hæli sem pólitískur flóttamaður, eða fái dvalarleyfi af mannúðarástæðum.
Til baka