Senda inn efni
Rússneska herskipið Pétur mikli. AP
Rússnesk herskip sigla gegnum íslensku efnahagslögsöguna
Bloggað um fréttina
-
Jón Valur JenssonRússar halda við herskipagerðum sem Bandaríkjamenn…
-
Júlíus SigurþórssonNánar um herskipin sem eru á ferðinni.
-
Herbert SnorrasonNýja kalda stríðið heldur áfram.
-
Axel Jóhann HallgrímssonEr þetta frétt?
„Okkur var kunnugt um þetta. Það er gert ráð fyrir að þessi floti sigli í gegnum íslensku efnahagslögsöguna á leiðinni á æfinguna,“ segir Urður Gunnarsdóttir, upplýsingafulltrúi utanríkisráðuneytisins, en floti rússneskra herskipa lagði í dag af stað frá Severomorsk-höfn í Norður-Rússlandi áleiðis til Venesúela.
Þar ætla þau að taka þátt í heræfingum með Venesúela-mönnum, að því er fram kemur hjá BBC.
Samkvæmt hafréttarsáttmálanum mega Rússar fara um efnahagslögsöguna hér. Ferðirnar eru því aðeins tilkynningskyldar, sé farið inn fyrir fyrir 12 mílna lögsögu Íslands.
Urður segir gert ráð fyrir að rússnesku skipin verði hér á ferð í byrjun nóvember.
Meðal þeirra er beitiskipið Pétur mikli sem er um 19.000 tonn, kjarnorkuknúið og búið stýriflaugum. Það er eitt öflugasta skip rússneska flotans. Tvær rússneskar sprengjuflugvélar tóku í liðinni viku þátt í æfingum með flugher Venesúela.
Til baka