Fjölmiðlafrelsi mest á Íslandi

Frelsi fjölmiðla er mest á Íslandi, í Noregi og Lúxemborg samkvæmt nýrri skýrslu, sem samtökin Blaðamenn án landamæra hafa gefið út. Neðst á listanum yfir 173 ríki er Eritrea en Kína, sem hélt m.a. ólympíuleikana í sumar, er í 167. sæti. 

Ísland og Noregur voru einnig efst á lista samtakanna á síðasta ári en Lúxemborg er nú í fyrsta skipti með í þessum samanburði.

Blaðamenn án landamæra segja í nýrri skýrslu, að veröldin hafi breyst mikið eftir hryðjuverkaárásirnar á Bandaríkin 2001 og mörg af stærstu lýðræðisríkjum heims séu smátt og smátt að skerða frelsi fjölmiðla. Einnig hafi trúarbrögð og pólitískar bannhelgar nú meiri áhrif en áður í ríkjum sem voru að feta sig í átt til meira frelsis.

Eistland, Finnland og Írland eru í sætum 4.-6. á listanum, og í sætum 7-12 eru  Belgar, Lettar, Slóvakar, Nýsjálendingar, Svíar og Svisslendingar. Danir eru í 14.-15. sæti ásamt Austurríkismönnum. Bretar eru í 23. sæti og Bandaríkjamenn í 36. sæti.

Fyrir ofan Eritreu í neðstu sætunum eru Víetnam, Kúba, Búrma, Túrkmenistan og Norður-Kórea.

Blaðamenn án landamæra

• 7 blogg um fréttina

Bloggað um fréttina

• Ívar Andersen: Góðar fréttir á þessum síðustu og verstu...!
• Hallur Magnússon: Fara fjölmiðlar vel með frelsið?
• Guðjón Heiðar Valgarðsson: þvílíkt og annað eins helvít** kjaftæði
• Anna Guðný : Hverju á maður að trúa?
• Vilhjálmur C Bjarnason: þú skrifar það sem eg seigi þer, annars getur þú …
• Ásgrímur Hartmannsson: Telst þetta blogg vera fjölmiðill?
• Vésteinn Valgarðsson: Frelsi => hringamyndun