Uppsagnir hjá Landhelgisgæslunni
Setja bókamerki
Á milli tuttugu og þrjátíu starfsmönnum Landhelgisgæslu Íslands verður sagt upp um næstu mánaðarmót. Yfirtrúnaðarmaður Gæslunnar staðfesti það við mbl.is. Fundur með stjórnendum Gæslunnar og trúnaðarmönnum fer fram um miðjan dag á morgun.
Sigurður Ásgrímsson, yfirtrúnaðarmaður hjá Gæslunni, segir að sér sé kunnugt um uppsagnirnar, en getur ekki sagt til um hversu margar þær verði. Í bréfi sem Sigurður fékk sent vegna málsins kemur fram að þær verði á milli tuttugu og þrjátíu. Hann segir alla trúnaðarmenn hafa verið boðaða á fund á morgun og telur það merki um að uppsagnirnar nái yfir mörg svið Gæslunnar.
Fjárhagsvandræði hafa plagað Gæsluna undanfarin misseri. Leiga á tveimur þyrlum vegur þar þungt enda hefur leiguverðið hækkað mikið vegna gengisbreytinga.
Kosningabaráttan bara rétt að byrja
Tæknideild komin norður vegna andlátsins
Myndskeið: „Fólk var komið ískyggilega nálægt“
Baldur: „Ég ætla að svara þessu kalli“
Sáttur við sína stöðu og finnur fyrir meðbyr
„Þetta er pínu óvanaleg staða“
Áverkar bentu til manndráps