Senda inn efni
Ásta R. Jóhannesdóttir og Nancy Allen.
Tímabundin atvinnuleyfi í Manitoba
Bloggað um fréttina
-
Sigríður S. MacEachernKanada; gangið í bæinn!
-
RosalegNýja Ísland
-
Eyjólfur SturlaugssonFleiri vinir
-
Sigrún JónsdóttirNýtt Ísland í Vesturheimi??
Stjórnvöld í Manitobafylki munu gefa út tímabundin atvinnuleyfi fyrir faglærða Íslendinga samkvæmt samkomulagi, sem stjórnvöld á Íslandi og í Manitoba hafa gert með sér. Mun útgáfa atvinnuleyfanna ráðast af þörf atvinnulífsins í Manitoba.
Kynningarfundur um atvinnutækifæri í Kanada, einkum Manitoba, verður haldinn 13. mars í Öskju, náttúrufræði Háskóla Íslands.
Íslensk stjórnvöld ætla að hafa milligöngu um samskipti milli kanadískra atvinnurekenda og atvinnuleitenda hérlendis. Í þessu felst m.a. að kanadískir atvinnurekendur upplýsa stjórnvöld ytra um að þeir óski eftir fólki til starfa og hins vegar að atvinnuleitendur hér á landi upplýsi innlend stjórnvöld um að þeir séu reiðubúnir til að ráða sig til starfa í Manitoba. Stjórnvöld sjá síðan um að koma á sambandi milli atvinnurekenda og atvinnuleitenda.
Fram kom á blaðamannafundi, sem þær Ásta Ragnheiður Jóhannesdóttir, félagsmálaráðherra, og Nancy Allen, ráðherra atvinnu- og innflytjendamála í Manitioba, héldu í dag að Íslendingar, sem fá vinnu í Kanada, og fjölskyldur þeirra verða sjúkratryggð frá fyrsta degi, börnum þeirra standi til boða að sækja skóla og mökum tryggð atvinnuleyfi.
Til baka