Yfir 100 kg af fíkniefnum
Flugfloti Landhelgisgæslunnar var á flugvellinum á Höfn í Hornafirði í dag.
Sigurður Mar Halldórsson
Setja bókamerki
Talið er að reynt hafi verið að smygla yfir 100 kílóum af fíkniefnum með skútu, sem kom upp að Djúpavogi í gær. Samkvæmt óstaðfestum heimildum mbl.is hefur lögreglan lagt hald á efnið og handtekið þrjá menn, sem fóru á slöngubáti til móts við skútuna.
Skútan hélt út á haf á ný og hafa lögregla og Landhelgisgæsla fylgst með henni. Liðsmenn sérsveitar ríkislögreglustjóra fóru með þyrlu Landhelgisgæslunnar frá Höfn nú síðdegis og var ætlunin að taka skútuna yfir.
Svipað mál kom upp í september árið 2007, Pólstjörnumálið svonefnda. Þá reyndu nokkrir menn að smygla yfir 60 kg af fíkniefnum með skútu, sem siglt var yfir Atlantshaf. Skútan lagðist að bryggju í Fáskrúðsfirði þar sem mennirnir voru handteknir.
Æskuvinur Íslendings myrtur í Noregi
Banna mengandi búnað sem leyfður er á Íslandi
Krefjast stöðvunar framkvæmda
Tveir í bílnum sem lenti utan vegar
Sex hafa greinst með listeríu
Handteknir eftir myndatöku í Vesturbæjarlaug