Senda inn efni
UH-941 50 manna Scania-rútu var stolið en henni svipar til þessarar.
Stórri rútu stolið
Bloggað um fréttina
-
Jakob Falur KristinssonStálu rútu
-
Brosveitan - Pétur ReynissonVið höfum þessa mömmu hér grunaða um verknaðinn..…
-
Björg ÁrnadóttirHvert fer maður með tvær heilar rútur!
Brotist var inn hjá fyrirtækinu Bílar og fólk að Krókhálsi 12 í nótt og miklar skemmdir unnar á innanstokksmunum. Þjófarnir stálu stórri rútu auk þess sem þeir fóru út með tölvur og önnur verðmæti.
Númerið á rútunni er UH-941 og er um 50 manna Scania-rútu að ræða.
Meðfylgjandi er mynd af rútu sem svipar til þeirrar sem stolið var.
Að sögn Óskars Stefánssonar, framkvæmdastjóra fyrirtækisins, var rúða brotin og farið inn um glugga á skrifstofu.
„Þar var rótað í öllum skjölum og tölvu stolið. Í framhaldi af því fara þeir niður í verkstæðisaðstöðuna og komast þar inn í rútu sem var í viðgerð, 50 manna rútu, finna lykla og keyra hana svo út.“
Í fyrstu var talið að Sprinter hópferðabifreið hefði einnig verið stolið en nú er ljóst að um misskilning var að ræða.
Til baka