Senda inn efni
mbl.is/KG
Engin sérleyfi á Drekasvæðinu
Bloggað um fréttina
-
Árelíus Örn ÞórðarsonSkattpíning mun alltaf enda í oxun.
-
Þórarinn Þ GíslasonGRÆÐGIN, ER HÚN ENNÞÁ VIÐ VÖLD OG BÚIN AÐ HREIÐRA…
-
Elín GuðjónsdóttirDrekinn drepinn!
-
GRÆNA LOPPANFær fréttamaðurinn þá ekki áfall ?
-
josiraSjávarins svarta gull...
-
Ómar Bjarki SmárasonKolvetni á Drekasvæði....!
-
Lana Kolbrún EddudóttirHeitir þetta kolvetni ?
-
Axel Jóhann AxelssonOlíumálaráðherrann verkefnalaus
-
Einar Örn EinarssonHvar er draumurinn?
Sagex Petroleum og Lindir Exploration hafa dregið til baka umsókn sína um sérleyfi til rannsókna og vinnslu kolvetnis á Drekasvæðinu. Fyrr í sumar dró Aker Exploration umsókn sína til baka. Orkustofnun mun því ekki ekki veita sérleyfi á þessu ári til rannsókna og vinnslu kolvetnis á Drekasvæðinu.
Orkustofnun barst síðdegis í gær erindi frá Sagex Petroleum, þar sem sameiginleg umsókn félagsins og Lindir Exploration um sérleyfi til rannsókna og vinnslu kolvetnis á Drekasvæðinu er dregin tilbaka.
Þann 15. maí sl. rann út frestur til að sækja um sérleyfi til rannsókna og vinnslu kolvetnis á Drekasvæði. Orkustofnun bárust þá umsóknir Aker Exploration og Sagex Petroleum og Lindir Exploration.
Fyrr í sumar dró Aker Exploration umsókn sína til baka vegna breyttrar stefnumörkunar hjá fyrirtækinu í kjölfar samstarfs og síðar samruna við annað fyrirtæki.
Á vef Orkustofnunar segir að í ljósi þessa muni stofnunin ekki veita sérleyfi á þessu ári samkvæmt skilmálum fyrsta útboðs á sérleyfum til rannsókna og vinnslu kolvetnis á Drekasvæðinu. Stefna um framhaldið verði mótuð á næstunni af viðkomandi stjórnvöldum.
Í samskiptum við þau olíuleitarfyrirtæki sem sýndu útboðinu áhuga, en sóttu hins vegar ekki um sérleyfi, kom fram að helstu ástæður fyrir því að þau sátu hjá að þessu sinni voru m.a. bágt efnahagsástand á útboðstímabilinu með tilheyrandi skorti á nýju fjármagni og mikil áhætta sem fylgir því að hefja rannsóknir á nýju svæði eins og Drekasvæðið er.
Til baka