Senda inn efni
Sýslumaður úrskurðar um lögbannskröfur mbl.is/Ómar
Vilja lögbann á innheimtu gengislána
Bloggað um fréttina
-
Baldvin BjörgvinssonInnheimta ólögleg lán
-
Lúðvík LúðvíkssonNú er lag
Hagsmunasamtök
heimilanna lýsa yfir eindregnum stuðningi við hugmynd talsmanns neytenda um að
krefjast lögbanns á innheimtu gengistryggðra lána. Samtökin hafa áður lýst yfir stuðningi við
við tillögu talsmanns neytenda um gerðardómsleið og harma að hvorki stjórnvöld
né fjármálastofnanir hafi kosið að láta á hana reyna. Þetta kemur fram í tilkynningu frá samtökunum.
„Með skipun gerðardóms væri hægt að gera víðtæka sátt, með aðkomu allra hlutaðeigandi aðila, í þeirri deilu sem upp er komin af völdum forsendubrests í gengis- og verðtryggðum lánasamningum neytenda.
Það er mat Hagsmunasamtaka heimilanna að nýlega boðaðar aðgerðir stjórnvalda séu ófullnægjandi. Í þeim felst að greiðslubyrði lána minnkar tímabundið en þó munu lántakendur að öllum líkindum bera tjón sitt óbætt þegar upp er staðið. Samtökin lýsa yfir miklum vonbrigðum með að umrædd áform feli ekki í sér áætlun um afnám verðbreytingarákvæða í lánasamningum því með slíkri aðgerð væri hægt að koma í veg fyrir frekari eignaupptöku," samkvæmt tilkynningu.
Sjá nánar á vef Hagsmunasamtökum heimilanna
Til baka