Senda inn efni
Neysla á gömlum grunni
Bloggað um fréttina
-
Þráinn MaríusGaman af þessu!
Hjónin Snæbjörn Stefánsson og Róshildur Jónsdóttir vöruhönnuðir hafa búið nýjan veggplatta í anda gömlu, bláu minjagripadiskanna sem prýddu ófá heimili á árum áður. Myndefnið á nýja diskinum er þó nýstárlegt því það sýnir neyslumynstur Íslendinga undanfarinn áratuginn.
Grafið sem diskurinn sýnir er fengið frá Hagstofunni og sýnir hreina neyslu einstaklinga á Íslandi en á plattanum myndar það gyllt neyslufjall, sem óðum er þó að breyta um svip. Þau Róshildur og Snæbjörn segja öllum hollt að hafa slíkan disk uppi á vegg til minningar um það sem á undan er gengið. Þau segjast þó alls ekki vera að gagnrýna aðra með tiltækinu enda hafi þau sjálf verið fullir þátttakendur í þjóðfélagi góðærisins.
Róshildur og Snæbjörn eru meðal 30 hönnuða sem verða með markað um helgina í Hugmyndahúsi háskólanna, þar sem Saltfélagið var áður til húsa, en nánari upplýsingar um þau og fyrirtæki þeirra má sjá á slóðinni www.hugdetta.com
Til baka