Ólafur Ragnar Grímsson mun veita undirskriftalista InDefence viðtöku laugardaginn 2.janúar. Ómar Óskarsson

Fréttaskýring: Meirihluti fyrir þjóðaratkvæði

 Fréttaskýring mbl.is

Þórður Gunnarsson
thg@mbl.is

---

Senda frétt

Prenta frétt

Upplestur á frétt

Deila

Deila fréttinni á...

Facebook

Delicious

Hætta við

Twitter

Digg

StumbleUpon

Blogga um frétt

Bloggað um fréttina

15 blogg um fréttina »

• Guðrún María Óskarsdóttir.
  Komu flokksskírteinin í veg fyrir þingmeirihluta…
• Magnús Geir Guðmundsson
  Riðið á RUGLSVEGUM!
• Guðjón Sigþór Jensson
  Er það sem við viljum?
• Páll Blöndal
  Forsetinn sendir ekkert í þjóðaratkvæðagreiðslu
• Guðrún Helgadóttir
  Ábyrgð, orsök og afleiðing
• Gísli Foster Hjartarson
  Fjölmenni á Bessastöðum?
• Þorkell Sigurjónsson
  ÁRIÐ 2010.
• Marinó G. Njálsson
  Icesave í þjóðaratkvæði - Mætum á Bessastaði
• Kristin stjórnmálasamtök
  Meirihluti þingmanna með þjóðaratkvæðagreiðslu
• Víðir Benediktsson
  Mér heyrðist það
• Þórður Björn Sigurðsson
  Indefence: Mætum öll á Bessastaði á morgun
• Birgitta Jónsdóttir
  Ísland, er í lagi?
• Ómar Bjarki Smárason
  Undarleg afstaða svínbeygðra þingmanna...
• Páll Höskuldsson
  VG í vondum málum
• Haraldur Haraldsson
  Meirihluti fyrir þjóðaratkvæði/það er næsta víst !…

Lesa má úr ummælum þingmanna við atkvæðagreiðslu um ríkisábyrgð á Icesave að þingmeirihluti sé fyrir því að setja málið í þjóðaratkvæðagreiðslu. Birgir Guðmundsson, stjórnmálafræðingur vakti máls á þessu í fréttum á gamlársdag.

Pétur H. Blöndal, þingmaður Sjálfstæðisflokksins, lagði fram breytingartillögu við atkvæðagreiðsluna um Icesave 30.desember þess efnis að þjóðaratkvæðagreiðsla skyldi haldin um ríkisábyrgðina samningsinn eins og hann liggur fyrir. Tillagan var felld með 33 atkvæðum gegn 30.

Birgir Guðmundsson, stjórnmálafræðingur, sagði í samtali við fréttastofu RÚV á gamlársdag að óvíst væri hvort þingmeirihluti væri fyrir því að málið færi ekki í þjóðaratkvæðagreiðslu, miðað við hvernig margir þingmenn útskýrðu og gerðu grein fyrir atkvæði sínu. „Í þessi tilfelli er þingviljinn alls ekki skýr. Hins vegar eru ýmsar vísbendingar um að þjóðarviljinn sé fyrir þjóðaratkvæði, þannig að það er alls ekki sjálfgefið að hann [innsk: forseti Íslands] staðfesti þessi lög án þess að setja þau í þjóðaratkvæðagreiðslu,“ sagði Birgir í samtali við fréttastofu RÚV á gamlársdag. Nú hafa yfir 54.000 undirskriftir safnast á vefsíðu InDefence, sem berst fyrir því að forseti synji Icesave-ríkisábyrgðinni staðfestingar og sendi í þjóðaratkvæði. Forsetinn mun veita undirskriftalistanum móttöku á Bessastöðum á morgun, laugardaginn 2.janúar.

Lesa má úr orðum tveggja þingmanna VG, þeim Lilju Mósesdóttur og Ögmundar Jónassonar, að þau telji fýsilegt að Icesave fari í þjóðaratkvæðagreiðslu. Hins vegar greiddu þau atkvæði gegn breytingartillögunni, ásamt því að greiða atkvæði gegn frumvarpinu sjálfu. Lilja Mósesdóttir greiddi atkvæði gegn öllum breytingartillögum, og þegar hún greiddi atkvæði gegn frávísunartillögu þingmanna Sjálfstæðisflokksins gerði hún grein fyrir atkvæði sínu á eftirfarandi hátt:

„Frú forseti. Ég er andvíg því að þessu máli verði vísað frá. Ég er þeirrar skoðunar að löggjafinn, Alþingi, eigi að ljúka afgreiðslu Icesave-samningsins, áður en ákvörðun er tekin um þjóðaratkvæðagreiðslu. Núverandi samningur er einhliða og leggur þungar byrðar á afar skuldsetta þjóð. Ég mun því hafna ríkisábyrgðinni. Ég mun jafnframt greiða atkvæði gegn öllum breytingartillögum því þær tryggja ekki endanlegar lyktir málsins. Það er þingsins að taka afstöðu til þess sem að þinginu snýr. Ég er jafnframt þeirrar skoðunar að forseti Íslands hljóti að taka alvarlega undirskriftir 36.000 Íslendinga sem þegar hafa óskað eftir þjóðaratkvæðagreiðslu um málið.“

Ögmundur Jónasson gerði grein fyrir atkvæði sínu á eftirfarandi hátt þegar hann greiddi atkvæði gegn breytingartillögu Péturs H. Blöndal um þjóðaratkvæðagreiðslu:

„Ég virði sjónarmið þeirra sem styðja þessa tillögu. Ég mun ekki greiða henni atkvæði mitt fremur en þeim breytingartillögum öðrum sem fram eru komnar frá stjórnarandstöðunni. Ég mun heldur ekki styðja frumvarpið. Verkefni okkar nú hér í kvöld er að taka afstöðu til Icesave-samningsins. Síðan hlýtur það að vera hlutverk forseta Íslands að horfa til þess sem er að gerast í þjóðfélaginu almennt. Þar eru að safnast tugþúsundir undirskrifta og ég styð það að mál sem að brenna á þjóðinni, sem að stór hluti þjóðarinnar vill að gangi til þjóðaratkvæðagreiðslu, geri það. En verkefni okkar hér í kvöld er að taka afstöðu til Icesave-samningsins sjálfs.”

Ef Ögmundur Jónasson og Lilja Mósesdóttir hefðu greitt breytingartillögu Péturs H. Blöndal atkvæði sitt er ljóst að tillagan hefði verið samþykkt. Tveir aðrir þingmenn VG, þau Ásmundur Einar Daðason og Guðfríður Lilja Grétarsdóttir greiddu atkvæði með breytingartillögu Péturs H. Blöndal. Þau greiddu hins vegar atkvæði með Icesave-frumvarpinu sjálfu.

Til baka