Senda inn efni
Þjórsá. mbl.is/RAX
Synjar skipulagi við Þjórsá staðfestingar
Bloggað um fréttina
-
Gunnar Th. Gunnarsson14 mánuðir!
-
Friðrik Hansen GuðmundssonEr umhverfisráðherra hryðjuverkamaður eða…
-
Ólafur Ingi HrólfssonÉg skil ekki
-
Jón VilhjálmssonÉg seigi bara vá er þetta stjórnsýsla? Hverslags…
-
Hildur Helga SigurðardóttirByrja bara að skrattast á Svandísi núna !
-
Viggó JörgenssonStalín er hér.
-
Njörður HelgasonEins og Hergilseyjarfíflið
-
Anna Sigríður GuðmundsdóttirFriðrik Sópus-banka-mútuþegi! Rannsökum hans feril…
-
Eggert GuðmundssonSveitafélög endurgreiði.
-
Guðmundur BaldurssonSvandís á móti atvinnuuppbyggingu
-
Axel Jóhann AxelssonEnn flækist Svandís fyrir atvinnuuppbyggingu
-
Þorsteinn Valur Baldvinsson HjelmSjaldan fellur eplið langt frá eikinni
Svandís Svavarsdóttir, umhverfisráðherra, hefur synjað staðfestingar skipulagsbreytingum sem snúa að virkjunum í neðri Þjórsá, þar sem þátttaka Landsvirkjunar í kostnaði sveitarfélaga við skipulagsvinnu hafi stangast á við skipulags- og byggingarlög.
Annars vegar er um að ræða tillögu að breytingu á aðalskipulagi Skeiða- og Gnúpverjahrepps, sem ráðuneytið telur sér ekki heimilt að staðfesta. Hins vegar er um að ræða aðalskipulag Flóahrepps 2006-2018, sem ráðuneytið samþykkir að öðru leyti en því sem snýr að virkjunum í neðri Þjórsá.
Yfirlitskort sem sýnir legu Þjórsársveita: Ásahrepps, Flóahrepps, Rangárþings ytra og Skeiða- og Gnúpverjahrepps.
Báðum skipulagstillögunum er synjað staðfestingar með vísan til 34. greinar skipulags- og byggingarlaga, þar sem fjallað er um greiðslu kostnaðar vegna skipulagsvinnu, svo og með tilliti til ákvæðis 1. gr. laganna um réttaröryggi í því sambandi.
Var það niðurstaða ráðuneytisins að við gerð beggja skipulagstillagna hefði sveitarstjórn farið gegn umræddum ákvæðum laga þegar sveitarfélögin gerðu hvort um sig samning við Landsvirkjun um greiðslu kostnaðar af hálfu fyrirtækisins vegna vinnu við skipulagsbreytingarnar. Ákvæði laganna geri ráð fyrir að kostnaður geti aðeins verið greiddur úr viðkomandi sveitarsjóði eða úr Skipulagssjóði. Sveitarstjórnum sé ekki heimilt að semja við aðra aðila eða stofnanir en Skipulagssjóð um greiðslu kostnaðar vegna aðalskipulags.
Þar sem gerð hluta aðalskipulags Flóahrepps 2006-2018 og gerð breytingartillögu varðandi aðalskipulag Skeiða- og Gnúpverjahrepps byggði á ólögmætum forsendum telur ráðuneytið að synja beri þeim hlutum skipulagstillagnanna sem snúa að virkjunum í neðri Þjórsá staðfestingar.
|
Ákvörðun ráðherra gagnvart Flóahreppi |
|
|
Ákvörðun ráðherra gagnvart Skeiða- og Gnúpverjahreppi |
Til baka