Senda inn efni
Morgunblaðið/Eyþór
Vísar ásökunum um lygar á bug
Bloggað um fréttina
-
Guðjón Sigþór JenssonHver lýgur?
-
Jakobína Ingunn ÓlafsdóttirEr þetta tromp fjármálaráðherrans?
-
Árni Þór BjörnssonLygar um lygar
-
Hrannar BaldurssonSkal ásaka slökkvilið fyrir hús sem brenna?
-
Jóna Kolbrún GarðarsdóttirHvar er sönnunarbyrgðin?
-
Jens GuðSpilling og barátta gegn spillingu
-
Jón Baldur LorangeFjármálaeftirlitið var stimplastofnun fyrir…
-
Björn BirgissonHve mikil er ábyrgð endurskoðenda á hruninu?
-
Flosi KristjánssonThe National Bank of Iceland
-
Egill Arnar RossenFyllibytur
Jónas Fr. Jónsson, fyrrverandi forstjóri Fjármálaeftirlitsins, vísar á bug ásökunum fyrrum yfirmanns hollenska bankaeftirlitsins, sem hann bar fram á fundi hollenskrar þingnefndar í gær, um að starfsmenn Fjármálaeftirlitsins hafi logið að starfsmönnum hollenska seðlabankans um stöðu Landsbankans í ágúst 2008.
„Starfsmenn Fjármálaeftirlitins gáfu þær upplýsingar um fjárhag Landsbankans sem þeir töldu réttar hverju sinni byggðar á fyrirliggjandi gögnum frá bankanum og hálfsársuppgjöri 2008, árituðu af endurskoðendum bankans. Ásökunum um lygar starfsmanna Fjármálaeftirlitsins er vísað á bug, en þar lagði fólk sig fram um að sinna starfi sínu af fagmennsku og heiðarleika," segir í yfirlýsingu Jónasar.
Fram kemur í yfirlýsingunni, að útibú Landsbankans í Hollandi hóf starfsemi sína á árinu 2006. Útibúið bauð innlánsreikninga fyrir almenna sparifjáreigendur vorið 2008 eftir að hafa fengið grænt ljós frá hollenskum yfirvöldum í kjölfar samninga tryggingasjóða innistæðueigenda í báðum löndum. Samkvæmt Evrópureglum hafi hollensk yfirvöld farið með eftirlit með neytendavernd og lausafé útibúsins, auk ýmissa annarra heimilda ef nauðsyn krefði.
„Í viðræðum við Hollendinga í ágúst og september 2008 var rætt um að Landsbankinn setti upp varasjóð í Hollandi. Tillagan var ekki afgreidd af hálfu Hollendinga. Hefði það verið gert hefði sjóðurinn getað numið hátt í 600 milljónum evra þegar bankinn féll. Hefði þar munað um minna.
Enginn sá fyrir þær einstæðu fjármálahamfarir sem urðu í heiminum í lok september og byrjun október 2008. Í Hollandi þurfti að þjóðnýta Fortis banka, ING bankinn þurfti verulega fjárhagsaðstoð frá ríkinu og smærri fjármálaþjónustufyrirtæki s.s. Aegon og SNS fengu ríkisaðstoð, auk almennra aðgerða. Haustið 2009 féll DSB bankinn. Embættismenn í Hollandi vilja beina athyglinni frá þessum heimavanda með yfirlýsingum og hörku gagnvart Íslendingum um Icesave," segir í yfirlýsingu Jónasar Fr. Jónssonar.
Til baka