Senda inn efni
Kannabisræktun í Hafnarfirði var upprætt á laugardag. Myndin er úr myndasafni. Kristinn Ingvarsson
470 kannabisplöntur upprættar
Lögreglan á höfuðborgarsvæðinu stöðvaði kannabisræktun í húsi í Hafnarfirði síðdegis á laugardag. Við húsleit á áðurnefndum stað fundust 170 kannabisplöntur á ýmsum stigum ræktunar. Húsráðandi, karl á fertugsaldri, hefur játað aðild sína að málinu.
Þá stöðvaði lögreglan á höfuðborgarsvæðinu kannabisræktun í íbúð í fjölbýlishúsi í Breiðholti á laugardagsmorgun. Við húsleit á áðurnefndum stað fundust um 300 kannabisplöntur. Húsráðandi, karl á þrítugsaldri, hefur játað aðild sína að málinu.
Lögreglan minnir á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.
Til baka