Unglingar ógnuðu fólki
Tveir sextán ára piltar voru handteknir í Reykjavík í fyrrinótt eftir að hafa látið dólgslega og ógnað vegfarendum. Piltarnir heimtuðu fjármuni og áfengi af fólki sem þeir mættu á förnum vegi. Annar þeirra var vopnaður hnífi sem lögreglan haldlagði.
Átta líkamsárásir voru tilkynntar til lögreglunnar um helgina. Sjö þeirra áttu sér stað í miðborginni aðfaranætur laugardags og sunnudags. Brotavettvangur var ýmist á eða við skemmtistaði en líkamsárásirnar voru allar minniháttar. Í einu tilviki var um að ræða líkamsárás í samkvæmi í heimahúsi í miðborginni en þar fékk ónefndur gestur á kjaftinn eftir að hafa verið til mikilla leiðinda að sögn sjónarvotta.
Til baka








Senda inn efni


