Senda inn efni
Sunnubúð við Lönguhlíð.
18 ára játaði ránið í Sunnubúð
Bloggað um fréttina
-
Anna Sigríður GuðmundsdóttirHengja bakara fyrir smið segir máltækið!!!!!!
-
Karen Elísabet Halldórsdóttirömurlegt
Átján ára piltur hefur játað að hafa framið rán í matvöruversluninni Sunnubúð í Hlíðunum um kvöldmatarleytið á sunnudag, að sögn lögreglu.
Pilturinn var vopnaður hnífi og krafði starfsmann verslunarinnar um peninga og hafði eitthvað af þeim á brott með sér. Pilturinn var handtekinn í Reykjavík í morgun en myndir náðust af honum á öryggismyndavél sem staðsett er í búðinni. Hann hefur ekki áður komið við sögu hjá lögreglu.
Eysteinn Sigurðsson, eigandi Sunnubúðarinnar við Lönguhlíð, sagði í Morgunblaðinu í dag að ungur maður vopnaður hnífi réðst inn í Sunnubúðina sl. sunnudagskvöld. Að sögn Eysteins var ræninginn vopnaður búrhnífi sem hann dró upp um leið og hann kom inn í búðina.
Sonur Eysteins hlýddi fyrirmælum ræningjans og afhenti honum peningana úr kassanum, en um smáræði var að ræða enda regla að geyma þar ekki háar fjárhæðir. „Þegar maðurinn var farinn út aftur ýtti sonur minn síðan á öryggishnapp og hringdi í Neyðarlínuna,“ sagði Eysteinn.
Þetta var annað ránið í versluninni á þremur árum, en síðla árs 2007 réðust þrír menn vopnaðir kylfu og exi inn í búðina og höfðu brott með sér peninga og tóbak.
Til baka