Senda inn efni
Héraðsdómur Reykjavíkur. mbl.is/Þorkell
3 ára fangelsi fyrir nauðgun og sifjaspell
Héraðsdómur Reykjavíkur hefur dæmt karlmann í 3 ára fangelsi fyrir nauðgun og sifjaspell en hann nauðgaði 15 ára gamalli systur sinni. Maðurinn var einnig dæmdur fyrir fjölmörg önnur hegningarlagabrot en sýknaður af annarri nauðgunarákæru.
Maðurinn var fundinn sekur um að hafa í mars 2008 nauðgað 15 ára systur sinni, sem hafði áður neytt vímuefnisins LSD og gat ekki spornað gegn athöfnum mannsins vegna vímu og svefndrunga. Maðurinn var einnig sakfelldur fyrir að útvega stúlkunni vímuefnið. Hann var dæmdur til að greiða henni 1,1 milljón króna í bætur.
Maðurinn var hins vegar sýknaður af ákæru fyrir að nauðga annarri stúlku í maí á þessu ári. Taldi dómurinn verulegan vafa leika á sekt mannsins.
Hann var hins vegar fundinn sekur um fjölda annarra brota, aðallega innbrot og þjófnaði og fíkniefnabrot. Hann á að baki talsverðan brotaferil.
Til baka