Ólafur Þ. Harðarson, prófessor í stjórnmálafræði við HÍ, segir að vegna þess að gengi Besta flokksins í Reykjavík sé algert einsdæmi, samkvæmt skoðanakönnunum, sé erfitt að spá um úrslitin.
„Það væri óðs manns æði. Ég held að það væri jafnvitlaust fyrir mig að segja eitthvað um úrslitin í Reykjavík eins og það væri vitlaust fyrir jarðvísindamann að segja til um hvort Katla gysi árið 2011,“ segir Ólafur í ítarlegri umfjöllun um kosningarnar í Morgunblaðinu í dag.