Lögreglan á Selfossi tók ökumann fyrir meintan fíkniefnaakstur á Suðurlandsvegi í Lögbergsbrekku ofan við Reykjavík um kl. 01 í nótt. Lögreglumenn voru við almennt eftirlit og ákváðu að stöðva bifreiðina og kom þá þetta í ljós.
Kallað var eftir aðstoð lögreglumanna á höfuðborgarsvæðinu sem fluttu manninn til Reykjavíkur.
Þá kom upp eldur í íbúðarhúsi í Tjarnarhverfi á Selfossi um kvöldmatarleytið í gærkvöldi þar sem kviknaði í út frá feiti í potti. Slökkviliðsmaður sem býr í nærliggjandi húsi fékk kvaðningu um eldinn og kom á staðinn með slökkvitæki og tókst að ráða niðurlögum hans, áður en enn verr fór.