Tveir ölvaðir ökumenn, í óskyldum málum, voru handteknir á höfuðborgarsvæðinu í nótt eftir að hafa ekið á kyrrstæðar bifreiðar. Annar þeirra gistir fangageymslur en sá reyndi að stinga af á vettvangi að sögn lögreglu.
Laust eftir klukkan tvö í nótt var þriðji ökumaðurinn handtekinn í Breiðholti. Sá var undir áhrifum fíkniefna og fannst lítilháttar magn af fíkniefnum á honum.
Nóttin var að öðru leyti róleg í höfuðborginni að sögn lögreglu.