Jóhanna meðal 10 helstu kvenleiðtoga heims

Bandaríska fréttatímaritið Time fjallar um 10 kvenleiðtoga í nýjasta tölublaði sínu. Þeirra á meðal er Jóhanna Sigurðardóttir, forsætisráðherra, Angela Merkel, kanslari Þýskalands og Tarja Halonen, forseti Finnlands.

Time segir m.a. um Jóhönnu, að eftir að íslenska fjármálakerfið hrundi haustið 2008 hafi alda óánægju borið hana í forsætisráðherraembættið. Það hafi ekki komið alveg á óvart því Jóhanna hafi átta sinnum verið kjörin á þing frá því hún tók fyrst sæti á Alþingi 1978 og hún hafði því lengstan starfsaldur þingmanna auk þess sem hún var í hópi þeirra vinsælustu.

Þá segir blaðið, að Jóhanna sé einnig fyrsti þjóðarleiðtoginn sem er opinberlega samkynhneigður. 

Kvenleiðtogarnir tíu, sem Time fjallar um, eru:

Julia Gillard, forsætisráðherra Ástralíu
Jóhanna Sigurðardóttir, forsætisráðherra 
Cristina Fernández de Kirchner, forseti Argentínu 
Dalia Grybauskaite, forseti Litháens
Angela Merkel, kanslari Þýsjalands  
Hasina Wajed, forsætisráðherra Pakistans
Ellen Johnson Sirleaf, forseti Líberíu 
Tarja Halonen, forseti Finnlands 
Kamla Persad-Bissessar, forsætisráðherra Trinidad og Tobago 
Laura Chinchilla, forseti Kosta Ríka 
 

• 7 blogg um fréttina

Bloggað um fréttina

• Guðmundur Paul: Brandari
• Halldór Halldórsson: Eins gott fyrir Jóhönnu!
• Sigurður Haraldsson: Í mótmælum mínum.
• Jóna Kolbrún Garðarsdóttir: Jóhanna er ekki eina lesbían
• Ólafur Ingi Hrólfsson: Villandi fréttir
• Óskar Sigurðsson: Hvaða leið togar Jóhanna?
• Guðrún María Óskarsdóttir.: " Minn tími mun koma... "