„Mig langar að taka þátt eins lengi og ég hef gaman af þessu og líkaminn helst góður,“ segir Annie Mist Þórisdóttir, silfurverðlaunahafi á nýliðnu heimsmeistaramóti í crossfit, í samtali við Sunnudagsblað Morgunblaðsins.
„Margir spurðu á sínum tíma hvers vegna ég hætti ekki á toppnum eftir að hafa unnið tvisvar og þó ég skilji þá hugsun alveg er ég ekki sammála henni. Mér líður nefnilega ekki eins og ég hafi toppað ennþá. Enginn á að þurfa að hætta í íþrótt sem hann hefur yndi af, bara vegna þess að hann hefur orðið heimsmeistari.“