Fulltrúar starfsmannafélags Kópavogsbæjar og fulltrúar sambands íslenskra sveitafélaga funduðu hjá ríkissáttasemjara í dag án árangurs. Næsti fundur hefur verið boðaður á mánudaginn.
„Það er verið að reyna að finna lausn á deilunni en mér sýnist hún ekki vera í sjónmáli,“ segir Jófríður Hanna Sigfúsdóttir, formaður starfsmannafélags Kópavogsbæjar í samtali við mbl.is.
Starfsmannafélagið hefur samþykkt verkfallsboðun. Náist ekki samningar leggja félagsmenn niður störf dagana 14., 15., 21. og 22. október. Þá hefst ótímabundið verkfall 1. nóvember.
Jófríður telur að rúmlega 700 manns myndu leggja niður störf ef til verkfalls kemur.