„Það dregur úr þessu hægt og rólega þar til þetta hættir einn góðan veðurdag. Það er þó ómögulegt að segja til um hvaða dag það verður,“ segir Ármann Hösk­ulds­son eld­fjalla­fræðing­ur um stöðu mála við Bárðarbungu.

Enn er mik­il skjálfta­virkni og sig í Bárðarbungu. Jarðskjálft­arn­ir koma í hrin­um sem enda oft með stór­um skjálfta. Rúmlega 50 skjálftar hafa mælst þar frá miðnætti og var sá stærsti 4,9 að stærð kl. 11:09. Í gær mældist stór skjálfti af stærð 5,3 stig við norðanverða brún Bárðarbungu­öskj­unn­ar.

„Þetta er svona jafnt og þétt. Það dregur úr þessu hægt og rólega en það er heilmikið gos ennþá,“ segir Ármann. Hann segir breytingar á milli daga ekki vera miklar. „Það hefur dregið mikið úr gosinu frá því í byrjum og það dvínar hægt og rólega. En það er enginn svakalegur dagamunur.“ Þá segir hann hraunrennslið hafa minnkað mikið.

Nokkuð hef­ur dregið úr virkni eld­goss­ins í Holu­hrauni, en gasmeng­un er helsta vanda­málið sem gosið skap­ar í dag.

Tengdar fréttir

Bárðarbunga

Gæti verið byrjunin á margra ára ferli

• Stærsti skjálftinn í Bárðarbungu í níu ár
• Kröftugur jarðskjálfti í Bárðarbungu
• Jarðskjálfti í Bárðarbungu
• Sá stærsti síðan í október

» Fleiri tengdar fréttir

• Blogga um frétt