Lögreglan í Borgarnesi lagði í dag hald á haglabyssu og skotfæri sautján ára gamallar skyttu sem hafði komið sér fyrir í Bröttubrekku til að skjóta rjúpu.
Skyttan unga hafði þegar skotið eina rjúpu, og lagði lögregla einnig hald á hana. Drengurinn má búast við sekt, en hann var ekki með skotvopnaleyfi enda ekki nógu gamall til þess.
Rjúpnaveiðitímabilið hófst í dag og stendur til 16. nóvember. Slysavarnafélagið Landsbjörg vill vekja athygli á að veðurspá helgarinnar er víða þokkaleg og því líkur á að margar skyttur muni leggja land undir fót.
Betra að snúa við en lenda í ógöngum