Vel sést til eldgossins í Holuhrauni á vefmyndavél Mílu. Vélin skelfur að vísu aðeins, en sjá má eldstöðvarnar og glitra á hraunstrauminn líkt og perlufesti.

Hér er hægt að fylgjast með gosinu og líka hér.

Enn skelfur jörð við Bárðarbungu og hafa tæplega 90 skjálftar mælst síðasta sólarhringinn.

Stærsti skjálftinn frá því í gærmorgun varð í gærkvöldi kl. 23:26. Sá var 4,4 stig. Skjálfti sem mældist 4,2 stig varð kl. 14:11 í gær.

Það sem af er degi hafa nokkrir skjálftar á bilinu 3,9-4,1 mælst. Flestir skjálftarnir urðu við norðanverða brún Bárðarbunguöskjunnar utan sá sem varð kl. 14:11, hann var við suðausturbrúnina.

Undir norðanverðum ganginum hafa mælst um 10 skjálftar, allir innan við eitt stig að stærð.

Bárðarbunga er á sífellri hreyfingu. mbl.is/Þórður Arnar Þórðarson

Tengdar fréttir

Bárðarbunga

Jarðskjálfti í Bárðarbungu

• Sá stærsti síðan í október
• 4,4 stiga skjálfti í Bárðarbungu
• „Ekkert óvenjulegt á ferðinni“
• 111 skjálftar mælst í Bárðarbungu á árinu

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Enn ný sjón við Holuhraun í dag.