Leit að Þorleifi hætt

Leit að hinum tvítuga Þorleifi Kristínarsyni sem hefur verið saknað síðan á laugardagsmorgun hefur verið hætt samkvæmt upplýsingum frá lögreglunni á Norður-Jótlandi.

Á öryggismyndbandi frá höfninni í Frederikshavn sést maður sem talinn er vera Þorleifur klifra yfir öryggisgrindverk og er hann því talinn hafa fallið í sjóinn við höfnina. Hans hefur verið leitað með bátum með ratsjá við höfnina síðastliðna daga en sú leit hefur ekki borið árangur.

Leit á svæðinu er erfið vegna hafstrauma auk þess sem mikil umferð báta og skipa er á svæðinu. Engar líkur eru taldar á því að finna Þorleif á lífi og hefur leit formlega verið hætt.

Sjá frétt mbl.is: Leita Þorleifs í höfninni

Sjá frétt mbl.is: Íslend­ing­ur­inn tal­inn lát­inn

Sjá frétt mbl.is: Leit að Þor­leifi frestað

Sjá frétt mbl.is: Leitað að Íslend­ing­i í Dan­mörku

• Blogga um frétt