Búið er að tæma allt rusl sem náðist ekki að tæma fyrir jól að sögn Ingimundar Ellerts Þorkelssonar, flokksstjóra hjá Sorphirðu Reykjavíkur. Hann segir sorphirðu enn vera á eftir áætlun þrátt fyrir að starfsmenn Sorphirðu Reykjavíkur hafi unnið bæði í gær og í dag við sorphirðu en venjulega er rusl ekki hirt um helgar.
Sorp verður hirt í Árbæ í dag og á morgun og segir Ingimundur að unnið verði fram eftir á hverjum degi fram til gamlársdags, en unnið verður til hádegis þann dag.