Um 250 manns þurftu að leita skjóls í Reykjaskóla í Hrútafirði í nótt vegna veðurs. Loka þurfti Holtavörðuheiðinni í gær og urðu 300 til 400 manns strandaglópar í Staðarskála í gær. Þegar í ljós kom heiðin yrði ekki opnuð fyrir nóttina var farið með hluta fólksins í Reykjaskóla.
Gísli Viðar Eggertsson, rekstrarverkfræðinemi við Háskólann í Reykjavík, var einn þeirra. Hann fór með nemendafélagi verkfræðinema Háskólans í Reykjavík, Pragma, í skíðaferð til Akureyrar um helgina. Gísli Viðar segir að það hafi farið ágætlega um hópinn í skólanum.
„ Þetta var bara ágætt, þröngt mega sáttir sitja,“ segir Gísli. „Við erum að fara í rúturnar núna, ætli við leggjum ekki af stað fljótlega.“
Gísli segir að veðrið nú sé miklu betra en í gær. „Það er stillt veður núna. Við ættum nú alveg að komast heim í dag.“
Fjöldi háskólanema strandaglópar