„Já, ég hlakka til“
Gunnar Dofri Ólafsson
Setja bókamerki
Jóhann Fannar Kristjánsson er lesendum mbl.is ágætlega kunnugur. Hann er margfaldur gullverðlaunahafi á Special Olympics, mikill aðdáandi Liverpool og Breiðabliks og nemandi á starfsbraut Fjölbrautaskólans í Breiðholti.
Jóhann er núna kominn á fullt skrið í undirbúningi fyrir Special Olympics í Los Angeles í júlí, en þangað fer hann ásamt nokkuð stórum hópi, þeirra á meðal eru þrír aðrir keppendur úr Gerplu.
mbl.is fór í heimsókn á æfingu hjá Jóhanni og hitti hann og fjölskyldu hans í spjall á heimili þeirra í Kópavogi. Jóhann er elstur þriggja systkina, fæddur 16. janúar 1995. Veggirnir í svefnherbergi Jóhanns eru þaktir verðlaunapeningum, auk þess sem hann er með áritaðan búning frá félaga sínum Alfreð Finnbogasyni, bolta áritaðan af Íslandsmeisturum Breiðabliks og ýmislegt fleira.
Bróðir Jóhanns, Jón Veigar Kristjánsson, segir Jóhann vera í miklum og góðum tengslum við meistaraflokk Breiðabliks, sérstaklega Árna Vilhjálmsson, stuðningsfulltrúa Jóhanns. „Hann fer á alla leiki og gerði það líka áður en hann fór að vera með Árna.“ Jóhann fer reglulega í búningsklefa liðsins eftir leiki. „Eftir einn tapleik sagði Óli Kristjáns að meira að segja Jóhann Fannar væri ósáttur, og þá væri mikið sagt.“
Því má bæta við myndskeiðið að Liverpool sigraði West Ham á laugardaginn 2-0. Jóhann hafði reyndar spáð 3-0-sigri Liverpool.
„Á réttri leið en nokkuð í land ennþá“
Skiptir miklu meira máli en fólk grunar
Tveir í bílnum sem lenti utan vegar
Eyjafjarðarbraut lokað vegna alvarlegs umferðarslyss
„Skýr skilaboð til Seðlabankans“
„Hvílir mikil leynd yfir þessu öllu“
Skar höfuðleðrið af íslenskri konu
Vélsleðaslys: Þyrlan kölluð út á mesta forgangi