Búast má við norðanátt og snjókomu og skafrenningi um norðaustan og austanvert landið frá því síðdegis í dag og fram á nótt.
Hálkublettir eru á Hellisheiði og í Þrengslum en annars er nokkur hálka eða hálkublettir á Suðurlandi, einkum útvegum og sumstaðar er jafnvel þæfingur.
Á Vesturlandi er víða hálka eða hálkublettir á vegum.
Hálka er á fjallvegum á Vestfjörðum en á láglendi eru hálkublettir í Ísafjarðardjúpi en hálka á sunnanverðum Vestfjörðum.
Á Norðurlandi er hálka og skafrenningur, snjóþekja og víða er kominn éljagangur, snjókoma og stórhríð og er að bæta í vind skv. veðurspá. Þungfært er um Möðrudalsöræfi. Hálka og skafrenningur er á Tjörnesi en ófært og stórhríð á Hálsum. Þæfingsfærð og stórhríð í Víkurskarði. Fjarðarheiði ófær.
Á Austurlandi er hálka eða snjóþekja á vegum. Þæfingur er á Hróarstunguvegi og á Hlíðarvegi. Hálka eða hálkublettir með suðausturströndinni.