Lestarstöð hefur verið sett inn á nýja þróunaráætlun Keflavíkurflugvallar, svonefnt „masterplan“, við flugstöðina.
Í áætluninni er eins og fram hefur komið gert ráð fyrir mikilli uppbyggingu á flugvellinum. Áform um lestarsamgöngur milli höfuðborgarinnar og Keflavíkurflugvallar og innan höfuðborgarsvæðisins eru einnig til umfjöllunar þessa dagana á Alþingi í tengslum við þingsályktunartillögu Katrínar Jakobsdóttur og fleiri þingmanna um könnun á hagkvæmni lestarsamgangna.
Í nýrri umsögn Vegagerðarinnar segir að uppbygging hraðlestarbrautar milli Keflavíkurflugvallar og höfuðborgarsvæðisins sé að miklu leyti óháð uppbyggingu léttlestarkerfis innan höfuðborgarsvæðisins.