Sex aðildarfélög Starfsgreinasambandsins, Framsýn, Samstaða, Verkalýðsfélag Vestfjarða, Báran, Drífandi og Verkalýðsfélagi Grindavíkur hafa samþykkt heimild til boðunar verkfalls. Atkvæðagreiðslu lauk á miðnætti.
96% félagsmanna Framsýnar samþykktu verkfallsboðunina með rafrænni atkvæðagreiðslu. 94,34% samþykktu verkfallsboðunina hjá Verkalýðsfélagi Vestfjarða, 90,22% hjá Samstöðu, 90,24% hjá Bárunni, 98% hjá Drífanda í Vestmannaeyjum og 99,33% hjá Verkalýðsfélagi Grindavíkur.
Greinilegt að mikil samstaða ríkir meðal félaga starfsgreinasambandsins, þ.e. þeirra 16 aðildarfélaga sem hafa sameinast um kröfugerðina.
Von er á heildarniðurstöðu frá Starfsgreinasambandinu kl. 11.