Isavia segir að fyrirhuguð verkföll muni að óbreyttu hafa einhver áhrif á ferðaþjónustuna. Fyrstu verkföll sem auglýst hafi verið muni ekki hafa bein áhrif á flugsamgöngur en ef deilur dragist á langinn gætu hafist verkföll sem hafa áhrif á nokkur fyrirtæki sem þjónusta flugfélög. 

Isavia hefur birt nánari útlistun á mögulegum áhrifum verkfalla á heimasíðu sinni. Farþegum er bent á að hafa samband við sitt flugfélag til að fá upplýsingar um sitt flug.

Yfirlit um möguleg áhrif áætlaðra verkfalla á flugsamgöngur:

• Hópbifreiðafyrirtæki fara mögulega í verkfall frá kl 00:00 28. maí til 24:00 29. maí. Verkfallið gæti haft áhrif á rútuferðir til og frá Keflavíkurflugvelli. Farþegum er bent á að fá nánari upplýsingar hjá hópbifreiðafyrirtækjum.
  
  
• Frá 00:00 30. maí til 24:00 31. maí er áætlað verkfall hótelstarfsfólks. Við það mun þjónusta á hótelum mögulega skerðast.
  
  
• Mögulegt verkfall flugafgreiðsluaðila er áætlað frá klukkan 00:00 31. maí til 24:00 1. júní. Flugafgreiðsluaðilar hjá IGS og Airport Associates þjónusta flugfélög á Keflavíkurflugvelli meðal annars við innritun og að hlaða farangri um borð í flugvélar. Verkfall þeirra myndi geta haft áhrif á flugsamgöngur. Farþegum sem eiga bókað flug er bent á að hafa samband við sitt flugfélag um áhrif á sitt flug.
  
  
• 6. júní gæti komið til allsherjarverkfalls hjá VR, Eflingu, Hlíf og VSFK. Ef af verður getur það haft áhrif á bæði innanlands- og millilandaflug. Farþegum er bent á að hafa samband við sitt flugfélag eigi þeir bókað flug á áhrifatíma verkfallsins.

Tengdar fréttir

Kjaraviðræður

Hægagangur og vaxandi ókyrrð

• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“
• Kjaradeilu vísað til ríkissáttasemjara

» Fleiri tengdar fréttir

• Blogga um frétt