Lögreglunni á höfuðborgarsvæðinu barst tilkynning fyrir hádegi í dag um að kynferðisbrot hefði verið framið á hótelherbergi í miðborg Reykjavíkur í nótt.
Lögreglumenn fóru á vettvang og er nú unnið að því að yfirheyra vitni, sem voru færð á lögreglustöð til skýrslutöku.
Samkvæmt upplýsingum frá lögreglunni barst tilkynning um að konu hefði verið nauðgað á hótelinu. Enginn hefur verið handtekinn í tengslum við málið.
Rannsókn málsins stendur yfir en nánari upplýsingar liggja ekki fyrir að svo stöddu.