Vonast til að hægt verði að ljúka við drög að kjarasamningi VR, Flóabandalagsins, LÍV og StéttVest við Samtök atvinnulífsins á morgun, sem og bókanir sem fylgja honum. Gangi það upp verður fundað með trúnaðarráðum félaganna á föstudag til að sýna endanlegan samning.

Vonast Ólafía B. Rafnsdóttir, formaður VR, til þess að hægt verði að undirrita samninginn við lok vikunnar.

Lág­marks­laun fé­lag­manna félaganna sem nefnd eru hér að ofan munu hækka upp í 300 þúsund krón­ur til árs­ins 2018 sam­kvæmt samn­ings­drög­um sem samþykkt voru á stór­um samn­inga­nefnda­fund­um fé­lag­anna í gærkvöldi.

Gengið er út frá því að launataxt­ar hækki um 25 þúsund krón­ur frá og með 1. maí þessa árs. Þá verði launaþró­un­ar­trygg­ing annarra en þeirra sem taka laun sam­kvæmt töxt­um 7,2% fyr­ir laun upp að 300 þúsund krón­um, en stig­lækk­andi niður í 3% fyr­ir tekju­hærri. Hjá VR er einnig samið um að byrj­un­ar­laun af­greiðslu­fólks hækki að auki um 3.400 krón­ur.

Á næsta ári frá og með 1. maí er gert ráð fyr­ir að launaþró­un­ar­trygg­ing­in verði 5,5%, eða að lág­marki 15 þúsund krón­ur.

Frá 1. maí árið 2017 munu svo launataxt­ar hækka um 4,5%, en al­menn hækk­un verða 3%. Þá er í samn­ingi VR til­greint að byrj­un­ar­laun af­greiðslu­fólks muni að auki hækka um 1.700 krón­ur.

Þann 1. maí 2018 munu taxt­ar hækka um 3% en al­menn hækk­un vera 2%, miðað við átta mánuði.

Með þessu er gengið út frá því að lægstu taxt­ar, sem í dag eru 214 þúsund, verði við und­ir­rit­un 245 þúsund, en und­ir lok samn­ings­tím­ans 300 þúsund. 

Tengdar fréttir

Kjaraviðræður

Aðalsteinn snýr aftur í Karphúsið

• „Mætti ganga hraðar“
• „Okkur þykir Isavia fullrólegt“
• Kjaradeilu vísað til ríkissáttasemjara
• Jöfnun launa milli markaða forsenda kjarasamninga

» Fleiri tengdar fréttir

• Blogga um frétt