Spurningalið Árbæjarskóla bar sigur úr býtum í spurningakeppni grunnskólanna 2015, Veistu svarið. Úrslitakeppnin var háð í gær, mánudaginn 1. júní, við Grunnskóla Borgarfjarðar og fóru leikar 17 – 14 Árbæjarskóla í vil.
Úrslitaviðureignin fór fram í Vonarsal, Efstaleyti 7. Liðið skipa þeir Fannar Sigurðsson, Vilhjálmur Jónsson og Bjarki Sigurðsson. Varamenn liðsins eru Eva Margit Wang Atladóttir og Magnús Friðrik Halldórsson og Árni Björnsson er þjálfari liðsins.