„Fólk kemur á gömlum bátum og siglir saman“

„Bátahátíðin snýst um það að fólk kemur saman á gömlum bátum og siglir saman. Fær svona hina og þessa gesti með sér. Svo erum við farin að hafa kvöldvöku. Þá koma allir og grilla saman,“ segir Harpa Eiríksdóttir í samtali við mbl.is. Hún segist skipuleggja grillið en vill ekki taka meiri heiður en það.

Félag áhugamanna um Bátasafn Breiðafjarðar á Reykhólum (FÁBBR) í samvinnu við Báta- og hlunnindasýninguna á Reykhólum (BogH), gengst nú fyrir bátahátíð súðbyrtra trébáta á Breiðafirði í áttunda sinn.

„Við erum hátt í 30 manns hérna. Þetta er svolítið eins og árshátíð hjá bátagaurunum og svo þykist ég segja þeim hvað þeir eiga að gera. Ég skipulegg grillið og segi þeim fyrir verkum.“

• Blogga um frétt