Síðdegis í gær voru tvær ungar stúlkur staðnar að þjófnaði á snyrtivöru og sælgæti fyrir rúmar tuttugu þúsund krónur í verslunarmiðstöð. Lögreglan lét foreldra vita en stúlkurnar, sem eru yngri en átján ára, voru látnar lausar að lokinni skýrslutöku.
Jafnframt var tilkynnt um innbrot í heimahús í miðborginni. Raftæki og fleira tekið. Ekki er vitað hverjir voru þar að verki en málið er í rannsókn lögreglunnar á höfuðborgarsvæðinu.
Um þrjú leytið í nótt var maður handtekinn grunaður um húsbrot. Vistaður í fangageymslu þar til unnt verður að ræða við hann.